4. юла 2001 – Закон НР СР ч. 302/2001 З. з. о самосправі высшых теріторіалных цїлків Народна рада СР схвалила зряджіня восьмох высшых теріторіалных цїлків. Тым законом быв зрядженый Пряшівскый самосправный край з центром у Пряшові як правницька особа, котра за условій становленых законом самостатно господарить з властным маєтком, властныма фінанціями (прибытками), забезпечує і хранить інтересы і права своїх жытелїв.
1. децембра 2001 – Історічно першы вольбы до найвысшых теріторіалных цїлків. Першым председом ПСК ся став МУДр. Петро Худїк. До заступительства ПСК было зволеных 60 посланцїв із 13 окресів.
20. децембра 2001 – Зложінём славностной присягы офіціално до своёй функції наступив председа ПСК Петро Худїк, наслїдно ай вшыткых 60 першых зволеных членів Заступительства Пряшівского самосправного краю.
22. мая 2003 – Отворїня реґіоналного заступлїня ПСК в Бруселї.
21. децембра 2004 – ПСК по першыраз удїлив офіціалне оцїнїня краю – Цїна ПСК і Цїна предеды ПСК.
26. новембра 2005 – Другы вольбы жупана і посланцїв реґіоналной самосправы. Чісло посланцїв наросло із 60 на 62 (в реґіонах Свідник і Левоча). В другім колї волеб быв за председу зволеный МУДр. Петро Худїк.
14. новембра 2009 – Третї вольбы председы ПСК і посланцїв крайского парламенту. Жытелї зволили 62 посланцїв. У другім колї волеб председы ПСК выграв Петро Худїк.
29. марца 2010 – Отворїня деташованого уряду ПСК в Попрадї.
9. новембра 2013 – Четверты вольбы реґіоналной самосправы. Жытелї зволили 62 посланцїв крайского парламенту. В першім колї волеб председы ПСК выграв Петро Худїк.
4. новембра 2017 – 5. вольбы реґіоналной самосправы. Жытелї зволили 62 посланцїв крайского парламенту. В першім колї волеб председы ПСК выграв Milan Majerský.